காதலும் கடந்து போகும்..! -- விமர்சனம்

காதலும் கடந்து போகும்..! -- விமர்சனம்

ஐடி வேலை கனவுகளுடன் பயணிக்கும் பொறியியல் பட்டதாரி ஹீரோயின் மடோனாவின் அறிமுகம் எடுத்தவுடனே காட்டுவதிலிருந்தே காலங்காலமாய் ஹீரோவின் அறிமுகம் முதலில் வரும் அந்த சம்பிரதாயத்தை உடைத்திருக்கிறார் நலன். பிரேமமில் கலக்கியதைப் போல பத்து மடங்கு இதில் திறமை காட்ட இடமிருந்தபடியால் மடோனா தனது திறமையை நன்கு ரசித்துச் செய்திருக்கிறார். 

மெல்ல மெல்ல நகரும் திரைப்படம் பின்னணி இசை மூலம் வேறு உயரத்துக்கு நம்மை அழைத்துச் சென்று ரசிக்க வைக்கிறது. வேலை பறிபோய், பின் வேலை தேடும் சில காட்சிகள், சென்னையில் வேலை தேடி அலைந்த நினைவுகளை பல பெண்களும் தங்களை ஹீரோயினுடன் ரிலேட் செய்து படத்தில் ஒன்ற உதவுகிறது. 

விஜய் சேதுபதி, எந்த பாத்திரமானாலும் அந்த பாத்திரமாகவே மாறி எக்ஸ்பிரஷனில் கலக்குகிறார்.. இறகைப் போன்ற மென்மையான ஒரு உணர்வை படம் நெடுக உணர்ந்த வண்ணமே இருக்க முடிகிறது.. சிலருக்கு மிக மெதுவாகத் தோன்றலாம்.. ஆனால் அப்படி எனக்குத் தோன்றவில்லை.. ரசிக்கும்படியான காட்சிகள், குறிப்பாக அந்த கோயில் குளத்தின் முன்னான ஹீரோ ஹீரோயின் காட்சி.. அருமை.. 

இறுதியில் ஹீரோயினின் சிரிப்பு நம் மனதிலும் உதட்டிலும் ஒரு புன்னகையை ஒட்டிச் செல்கிறது.. ரசனையான படம்.. தமிழ் சினிமா அடுத்த நகர்விற்கு அழகாக முதலடி வைத்திருக்கிறது.. வழக்கமான 'தண்ணி'க் காட்சிகள், வழக்கமான ஹீரோ ரவுடி போன்ற நெருடல்கள் தான் குறையென்று தோன்றுகிறது.

அப்பாடா.. இப்பவாவது பேய் படங்களுக்கு ப்ளீஸ் லீவ் விடுங்க பாஸ்.. !! 😊

--பூ.