RSS

Thursday, January 12, 2012

எறும்பு பாடல் - முதல் குழந்தைப் பாடல் முயற்சி





எறும்பு அண்ணா எறும்பு அண்ணா
எங்கே போறீங்க??

மழை வருமா மழை வருமா
பார்க்க போறேங்க…

மழையும் வந்தா வெயிலும் வந்தா
எங்கே போவீங்க..??

மண்ணுக்குள்ளே சுரங்கம் வைத்தே
ஒளிந்து கொள்வோங்க..

மழை வருகையில் புயல் வருகையில்
என்ன செய்வீங்க..??

மழைக்காலம் முடிய நீரும் வடிய
வீட்டில் விழித்தே இருப்போங்க..

பசியும் வந்தா தாகமும் வந்தா
என்ன செய்வீங்க??

வருடம் முழுக்க சேர்த்த உணவை
பகிர்ந்து உண்டே வாழ்வோங்க..

சேமித்து வைத்தே சேர்ந்தே உண்டே
நன்மை செய்தீங்க..!!

இனமும் வாழ இன்பமும் வளர
நல் வழி சொன்னீங்க…!!

இன்றே சேர்த்து இனிதே சேர்த்து
பகிர்ந்தே கொடுப்போமே..!!

பண்பும் வளர சேர்ந்தே உண்டு
பல்லுயிரும் காப்போமே..!!

--பூமகள்.

விண் மீன்கள், வண்ண மீன்களாக எண்ணத்திரையில்..!